Інспекцыя Дэпартамента кантролю і нагляду за будаўніцтвам па Магілёўскай вобласці прыняла эстафету ў спецыялізаванай інспекцыі Дэпартамента кантролю і нагляду за будаўніцтвам і далучылася да рэалізацыі праекта "Кожная пятніца - роднае, сваё".

Узоры народнай кухні, прыгатаваныя ў хатніх умовах супрацоўнікамі дружнага калектыву інспекцыі з мясцовых прадуктаў.

На стале, засланым у беларускiх традыцыях, мелi месца такія стравы, як бульба, дранікі, калдуны, клёцкі, хатнія каўбаскі, сала, сырнікі і гэтак далей. У якасці напояў былі прыгатаваны скрыпень, кісель з лясных ягад і журавінавы морс.

На працягу абедзеннага перапынку за агульным сталом прысутныя дзяліліся гісторыямі са свайго жыцця і жыцця сваіх продкаў, звязанымі з нацыянальнымі традыцыямі.

Кожны выйшаў з-за стала з пачуццём яднання з традыцыямі нашых продкаў!